8А сыныбы 31 қазанда СҚО ІІД мұражайына барды. Экскурсия барысында мұражай меңгерушісі, отставкадағы полиция подполковнигі Осинская Любовь Андреевна полицияның пайда болу тарихын баяндап берді және полиция органдарында жұмыс істеген ҰОС ардагерлері туралы материалдармен таныстырды. Зиянды әдеттердің зардаптары туралы профилактикалық әңгіме өткізілді. Сондай-ақ 2 қарашада оқушылар М.Қозыбаев атындағы СҚМУ обсерваториясына барды. Балалар планеталар туралы деректі фильмді үлкен қызығушылықпен тамашалады. Экскурсоводтың жұлдыздар мен шоқжұлдыздар туралы әңгімесі мен көрнекі материалы оқушылардың үлкен қызығушылығын тудырды. Сонымен қатар оқушылар телескоп құрылымымен танысты.
