Kozybaev University-де 23 ақпанда «Таң Шолпан» XIV өңірлік вокалдық орындаушылық байқауы өтті. Ол жыл сайын университеттің тәрбие және әлеуметтік жұмыс департаментінің қолдауымен өткізіледі.
Байқау екі номинация бойынша өткізілді: Жеке орындау және ансамбль-дуэттер. Бағдарлама -академиялық, халықтық және эстрадалық-вокалдық орындаушылықты қамтыды.
Конкурсқа 50-ге жуық адам қатысты, оның ішінде онлайн режимінде қатысқандар да бар . Жас әртістер 6 тілде ән шырқады.
СҚУ, колледж студенттері, сондай-ақ қала және облыс мектептерінің оқушылары мен түлектері қатысты.
Осы байқауға біздің 10 Б сынып оқушысы, лицейдің өзін-өзі басқару Президенті Шакубаева Айгеримде қатысып, А.Құнанбаевтың «Көзімнің қарасы»әнін орындады. Жоғары орындаушылық шеберлігі үшін Айгерим III дәрежелі лауреат дипломымен марапатталды!
