1 маусым Балаларды қорғау күнінде ЛОРД лицейінің оқушысы Бариев Мирас және Әбу Досмұхамбетов гимназиясының оқушысы Жұмабек Елдар Қазақстан Республикасы Президентінің резиденциясында болды. Ақордада балаларға Қасым-Жомарт Тоқаевтың атынан естелік сыйлықтар табыс етілді. Сондай-ақ резиденцияға, Тұңғыш Президент мұражайына және Қазақстан Республикасының Ұлттық мұражайына экскурсия ұйымдастырылды. Бағдарлама музыкалық-драма театрындағы қойылыммен аяқталды. Жігіттер еліміздің басты көрікті жерлерін тамашалауға мүмкіндік берген Президентке және Президент Әкімшілігіне шексіз алғыстарын білдіреді!
