ЛОРД лицейінде зияткерлік, спорттық, техникалық, музыкалық және эстетикалық бағыттарында табысты лицей оқушыларын құрметтеуге арналған "Дарындылар және таланттылар слеті" салтанатты іс-шарасы өтті.
Облыстық және республикалық пәндік олимпиадалардың жүлдегерлеріне сертификаттар мен Облыстық білім басқармасынан бағалы сыйлықтар табыс етілді. Лицеймен ынтымақтастық пен қолдаулары үшін лицей оқушыларының ата-аналары алғыс хаттармен марапатталды.
Слеттің қатысушылары түрлі конкурстар, турнирлер мен фестивальдердің халықаралық, республикалық және облыстық деңгейлерінде жүлделі орындарға ие болған лицейдің 70 оқушысы болды. Сондай-ақ, "Жыл Лицейісі" байқауының қорытындысы шығарылып, жеңімпаздардың есімдері аталды: Бриль Михаил (2 сынып), Оразаев Арыстан (6а сынып), Капитонова Дарья (7а сынып), Пашкова Елизавета (10а сынып). "Жыл түлегі" атағын 11а сынып оқушысы, астрономия және астрофизика бойынша XV Халықаралық олимпиаданың қатысушысы Роман Колесников иеленді. "BONUS LORD" бағдарламасының қорытындысы бойынша, бұл оқу жылында 1-сынып, 6а-сынып, 8б-сынып және 10а-сынып оқушылары жеңімпаз атанды. "Оқуға құштар мектеп" жобасының қорытындысы шығарылып, "Жылдың үздік оқырманы" номинациясында жеңіске жеткен лицей оқушыларының есімдері аталды.
ЛОРД лицейі оқушыларының жарқын жетістіктері мен қойылымдары – бұл еңбек, күш, табандылық және үлкен табыс. Лицейіміздің жетістіктерінің қоржынын толтыруға үлес қосқан әрбір оқушымызға, ата-аналарға және педагогтерге үлкен алғысымызды білдіреміз!
