ЛОРД лицейінде Қазақстан Республикасының Тәуелсіздік күніне арналған іс-шара өтті. Бұл іс-шара патриоттық аптаның жарқын қорытындысы болып, оқушыларды, ұстаздарды және лицей қызметкерлерін бір арнаға тоғыстырды. Іс-шара барысында үздік болған оқушыларға мақтау қағаздары, ал мұғалімдер мен қызметкерлерге кәсіби шеберлігі, белсенділігі және лицейдің дамуына қосқан үлесі үшін алғыс хаттар табысталды. Бұл марапаттар олардың күнделікті еңбегі мен жоғары нәтижеге деген ұмтылысының лайықты бағасы болды. Жоғары сынып оқушыларының «Тәуелсіздік белгілері қалай дүниеге келді?» атты театрландырылған қойылымы көрермендерге ерекше әсер қалдырды. Оқушылар сахналық бейнелер арқылы мемлекеттің қалыптасу жолын, елтаңба, ту және әнұранның маңызын, сондай-ақ ұлттық құндылықтардың ұрпақтан-ұрпаққа қалай жеткізілетінін көрсетті. Бұл іс-шара тәуелсіздіктің тек тарихи оқиға емес, әрқайсымыздың ел үшін, оның дамуы мен болашағы үшін күнделікті жауапкершілігіміз екенін еске салды. Мерекеңмен, Қазақстан! Еліміз өркендей берсін, ал жас ұрпақ білімді, мықты, патриот болып өссін!
