Республика күніне арналған мереке аясында оқушылардың қазақстанға деген патриотизмін қалыптастыру, еліміздің тарихы туралы білімдерін тереңдету, туған жердің тарихына деген қызығушылықтарын арттыру мақсатында лицейіміздің кітапханасында 6-сынып оқушылары үшін «Менің Қазақстаным» атты полилингвалды викторина өтті. Іс-шара барысында оқушылар қазақ, орыс және ағылшын тілдерінде Отан туралы өлеңдер мен мақал-мәтелдер оқыды. Оқушылар шараға белсенді қатысып, тілдерді, атаулы күндер мен оқиғаларды, көрнекті тұлғалардың есімдерін, еліміздің салт-дәстүрлерін жақсы білетіндерін көрсетті, сонымен қатар олар еліміздің қалыптасуы мен дамуы туралы тарихи мәліметтер қамтылған әдебиеттермен танысты. Іс-шара соңында балалар Республикамызға бейбітшілік, амандық және гүлдену тіледі.
