«Қызылжар дарыны» дарынды балалар мен талантты жастарды анықтау және қолдау орталығы» КММ басшылығымен 10 қазан күні лицейіміздің информатика пәні мұғалімі В.Н. Ибрагимов қала және облыс педагогтарына арналған «FIRST Robotics» робототехника бойынша ғылыми жобалардың республикалық байқауына дайындық бойынша оқу-жаттығу кезеңін өткізді. Іс-шара барысында қатысушылар байқаудың ережелерімен,кезеңдерімен және роботтарды жобалау мен бағдарламалаудың ерекшеліктерімен танысты, сондай-ақ оқушылардың командалық жұмысын ұйымдастыру тәжірибесімен бөлісті. Мұндай кездесулер инженерлік ойлауды дамытуға, робототехниканы насихаттауға және өңір педагогтарының кәсіби құзыреттілігін арттыруға ықпал етеді.
