ЛОРД лицейінің оқушылары Облыстық қан орталығына барып, оның жұмысымен танысты және донорлықтың адам өмірін сақтап қалудағы зор маңызын түсінді. Экскурсия кезінде балалар қан тапсыру барысының қалай ұйымдастырылатынын, донорларға қойылатын талаптарды және қанды медициналық мақсатта сақтап, пайдалануға мүмкіндік беретін заманауи технологияларды көрді. Орталық мамандары донорлық қанның әрбір тамшысы ауыр науқастарға өмір сыйлайтынын айтты. Сонымен қатар оқушылар донорлық тақырыбында сурет байқауына қатысып, ынталандыру сыйлықтарына ие болды. Мұндай сапар оқушылардың көкжиегін кеңейтіп қана қоймай, денсаулықтың қадірін, жауапкершілікті және өзгеге көмектесуге дайын болудың маңызын терең сезінуге ықпал етті.
