2 қыркүйек күні ЛОРД лицейінде жаңа оқу жылының басталуына арналған салтанатты жиын өтті. Білім күні оқушылар, ата-аналар мен ұстаздар үшін нағыз мерекеге айналды. Жиында ұстаздардың құттықтау лебіздері, ата-аналардың ақ тілектері айтылды. Жиыннан кейін алғашқы сабақ – бірыңғай сынып сағатында оқушылар білімнің адам өміріндегі маңызы, Тәуелсіз Қазақстанның құндылықтары, достық, өзара құрмет пен отансүйгіштіктің маңызы туралы әңгімелесті. Балалар жаңа оқу жылына қойған мақсаттарымен, арман-тілектерімен бөлісті. Жаңа оқу жылы жаңа жаңалықтар мен білімге, жарқын идеялар мен жеңістерге толы кезең болсын!
