ЛОРД лицейінің ұжымы құрмет демалысына шыққан әріптестеріне, бастауыш сынып мұғалімі, педагог-шебер Г.И. Лихова мен интернат меңгерушісі М.Т. Ибраимоваға алғыс білдірді. Лихова Галина Ивановна ұжымымызда 30 жылдан астам уақыт еңбек етті, дарынды балаларға арналған лицейдің негізін қалаушылардың бірі болды. Шамамен жиырма жыл бойы мұғалімдерді жетілдіру институтында (қазіргі Өрлеу) әдіскер қызметін атқарды, оны «Ұстаздардың ұстазы» деп атауға толық негіз бар. Майра Тастанбекқызы интернатты 2018 жылдан басқарды, облыс аудандарынан келген дарынды балаларға жайлы орта қалыптастырып, білім алу үшін қолайлы жағдай жасады. Алғыс хаттарды әріптестеріне лицей директоры Светлана Набиевна табыстады.
