Бастауыш сынып оқушыларының әртүрлі еңбек жағдайларымен танысуы – тәрбиелік жұмыстың маңызды бөлігі. Бұл балалардың дүниетанымын кеңейтіп, әртүрлі мамандық иелеріне құрметпен қарауға және еңбектің қоғам өміріндегі маңызын түсінуге көмектеседі. Жазғы алаң аясында бастауыш сынып оқушылары «Богатырский продукт» кәсіпорнында болды. Балалар жартылай фабрикаттар өндірісі үдерісімен және жұмысшылардың еңбек жағдайларымен танысты. Оларға өнім өндіру мен дәмін тату процесіне қатысу мүмкіндігі берілді. Өздерінің аспаздық еңбектері үшін оқушылар сертификаттар мен компания тарапынан тәтті сыйлықтар алды.
