23 мамыр күні лицейдің 1–11 сыныптарында «Білімім – Отанымa!» атты бірыңғай сынып сағаты өтті. Сынып сағаты барысында ҚР Оқу-ағарту министрі Ғани Бейсембаевтың еліміздің барлық оқушыларына арналған құттықтауы тыңдалды. Бұл маңызды іс-шара оқушыларды білімнің адам өмірі мен ел дамуы үшін маңыздылығы туралы ойға біріктірді.
Оқушылар өз эсселерін оқып, білімі – мықты мемлекеттің іргетасы, ал оқу мен дамуға ұмтылу – Қазақстанның болашағына әрбір адамның қосар басты үлесі екенін айтты.
Сондай-ақ сынып сағатында оқу жылының қорытындылары шығарылып, әртүрлі олимпиадаларға, жарыстар мен байқауларға белсене қатысқан оқушылар мақтау қағаздарымен және тәтті сыйлықтармен марапатталды. Соңында мұғалімдер оқушыларға жазғы демалыс кезіндегі қауіпсіздік ережелерін еске салды.
