2024 жылғы 11–15 сәуір аралығында Петропавл қаласында мектеп оқушыларының қазақстандық шахматшы, халықаралық гроссмейстер және Қазақстанның жасөспірімдер шахмат құрамаларының бас бапкері Пётр Евгеньевич Костенкомен кездесулері өтті. Іс-шараларға лицей оқушылары: Дулат Арыстан (6а), Михеев Илья (6а), Сатыбалдин Темірхан (9а), Серік Темірлан (9а) қатысты. Жас шахматшылар тек көрнекті спортшымен танысып қана қоймай, сұрақтар қойып, шеберлік сабағына қатысып, жаттығу партияларын ойнап, халықаралық деңгейдегі маманнан құнды кеңестер алу мүмкіндігіне ие болды. Мұндай кездесулер оқушыларды шабыттандырып, олардың дүниетанымын кеңейтіп, интеллектуалдық спортқа деген қызығушылықтарын арттырады.
