20 наурыз күні ЛОРД лицейінде көктемнің Наурыз мейрамына арналған іс-шаралар өтті. Мерекелік саптүзеуде ұлттық ойын – бес асық бойынша өткен спартакиаданың қорытындылары жарияланып, оқушылар мен ұстаздар Қыдыр атадан сәтті жыл мен игі бастамаларға бата алды. Бүгінгі шараның басты көркі – барлық сыныптардың шығармашылық ұжымдық жұмыстары болды: көздің жауын алатын, символикалық мағынаға толы «Наурыз көрпе» құрақ көрпелері. Әрбір көрпеден жүрек жылуы, бірлік пен сұлулыққа деген ұмтылыс сезілді. Бұл жай ғана көрпе емес – достықтың, құрметтің және еңбектің символы. Лицейдің акт залында дәстүрлі «Қазақ тіліндегі 30 ән» байқау-фестивалі өтті. Күннің соңында ата-аналар өз балаларына арнап мерекелік дастархан жайса, 11-сынып оқушылары Наурыз мейрамының дәстүрлері мен әдет-ғұрыптарына арналған викторина өткізді.
