18 ақпанда Ғұмарбек Дәукеев атындағы Алматы энергетика және байланыс университетінің ректоры Г.С. Нығыметов ЛОРД лицейінің 10-11 сынып оқушыларымен кездесті. Г.С. Нығыметов жоғары сынып оқушыларына Қазақстанның жетекші техникалық жоғары оқу орындарының біріне түсіп, білім алу мүмкіндіктері мен оқуға түсу, тұру жағдайлары, жұмысқа орналасу перспективалары туралы айтып берді. Биыл ЖОО Солтүстік Қазақстан облысының түлектеріне 50 грант бөлді. Көптеген түлектер техникалық мамандықтарға артықшылық бере отырып, болашақ мамандықты таңдады. Оқушылар қос диплом бағдарламаларына қызығушылық танытты. Университетте қолданбалы ғылымдар университетімен (Германия) және Мәскеу энергетикалық институтымен бірлескен жобалар жұмыс істейді. Кездесу диалог форматында өтті, оқушылар белсенді түрде сұрақтар қойып, пікір алмасты.
