Қазіргі әлемде жасөспірімдер денсаулығына зиян тигізетін жаман әрекеттерге жиі тап болады. Темекі шегу, алкоголь ішу, гаджеттерге тәуелділік - мұның бәрі адамның физикалық және психикалық жағдайына теріс әсер етеді. Оқушылардың денсаулығына жауапкершілікпен қарауды және салауатты өмір салтын қалыптастыру мақсатында лицейде «Зиянды әдеттердің алдын алу» тақырыбында сабақтар өткізілді. Сынып сағаттарында балаларға жаман әдеттер неліктен қалыптасады, оның салдары қандай және оларға қалай қарсы тұруға болатыны талқыланды.
