Қазақстан Республикасының Тәуелсіздік күніне орай облыстық балалар және жасөспірімдер орталығында “Жас қаламгер” атты жас журналистердің конкурсы өтті. Облыс және Петропавл қаласынан өз бейнерепортажы және мектепшілік газеттерін 60 оқушы ұсынды.
ЛОРД лицейінің 11а сынып оқушысы Мария Юсичева, репортаж тақырыбын туған жерімен байланыстырды. Өлкесінің тарихы мен дамуы туралы баяндады. Конкурстың негізін салушы журналист Ақ-Ләйлек Жаукина, сонымен қатар әділ-қазы мүшелері Марияның жұмысын жоғары бағалап, І дәрежелі дипломмен марапаттады.
