ЛОРД лицейінде Қазақстан Республикасының Тәуелсіздігі күніне арналған сынып сағаттары өтті. Іс-шара әр сыныпта әнұранды салтанатты орындаумен басталды. Оқушылар сынып сағаттарында тәуелсіз мемлекеттің құрылу тарихы жөнінде айтып, егемендікке әкелген тарихи оқиғалар туралы еске алды, тәуелсіздік жылдарындағы жетістіктерге тоқталды. Қазақстанның ең басты жетістіктері болып саналатын бейбітшілік пен келісімге ерекше назар аударылды. Оқушылар талқылауға белсенді қатысып, заманауи қоғамда төзімділік пен өзара сыйластықтың маңыздылығына тоқталды, әр адам өз Отанының гүлденуіне үлес қоса алатындығы жайында ойларымен бөлісті.
