Бүгін ЛОРД лицейінде «Өрлеу» «БАҰО АҚ филиалы «СҚО бойынша Кәсіби даму институты» тыңдаушыларына, қазақ тілі мен әдебиеті мұғалімдеріне, біліктілікті арттыру курсының аясында көшпелі тәжірибелік сабақ өткізілді. Мақсаты: ЛОРД лицейінің қазақ тілі мен әдебиеті мұғаімдерінің іс-тәжірибесін ашық сабақтар және шеберлік сыныптар арқылы тарату болатын. 5Б, 6А сыныптарында өткізілген ашық сабақтардан тыңдаушылар үлкен әсер алып, оқушылардың сөйлеу мәнеріне, сабақ барысында қалыптасқан жұмыс жүйесіне жоғары бағаларын берді. (мұғалімдер: Аубакирова А.С., Макашева С.М.). «Ғылыми жоба және зерттеушілік жұмыстарын жазуға оқушыларды баулу» (Махмутова С.С.), «Авторлық бағдарлама жазудың талаптары және оқушыларды олимпиадаға дайындау әдістемесі» (Шаукерова С.Н.) шеберлік сыныптарынан тыңдаушылар өздеріне әдістемелік көмек алып, шабыттанып, үлкен әсер алды. «Өрлеу» тыңдаушыларымен тәжірибе алмасу алаңын өткізу жыл сайын дәстүрге айналуы, ЛОРД лицейі мұғалімдері үшін өзін-өзі жетілдіруге, жаңашылдықты меңгеруге талпындырады.
